Nok...apa sliramu kelingan
Nalika Simbah ujar eling marang sira
Marang jalma kang padha lumaku
Lan marang udan ngriwis adem keplayu
Konang lima jejer ing tengahing telaga
Padha nggagas apa candra kawedar
Mula bukane hambabar tumrap manungsa
Suka-suka sak derma tata gelar
Caritane lakuning Rahwana
Kang gawe geger ing tengah kutha raja
Nggayuh kamulyan amrih raharja
Nanging apa,nyawa kang kagawa-gawa
Bocah loro padha kelon
Tetangisan kelawan tathit gumebyar
Ing sakjroning ara-ara amba
Jalma apa kang ngrumeksa
Apa tumon kabeh lelakon
Gumyak-gumyak marang tumindak culika
Padha sirna lumampah lunga
Gusti kang dadi pandham-pandhoming begjan sukma raga
Lega-leganing kasampurnan...
Kulon Kali 27 Juni 2005...
Selasa, 11 Maret 2008
Langganan:
Posting Komentar (Atom)
Tidak ada komentar:
Posting Komentar